ആശംസകള്‍...

10B 2011-12

10A 2011-12

10C 2011-12

ഭൂമിതന്‍ മാറിലേയ്ക്കിറ്റിറ്റു വീഴുന്ന

അമ്മതന്‍ കണ്ണീര്‍കണങ്ങള്‍

ദാഹജലത്തിന്നായ് കേഴുന്ന ഭൂമിതന്‍

തോരാത്ത മിഴിനീര്‍കണങ്ങള്‍

പൊയ്പോയ് മറഞ്ഞൊരു ശീതളച്ഛായയും

മുക്കുറ്റിപ്പൂവിന്റെ നൈര്‍മല്യവും

ശബ്ദം നിലച്ചൊരു പാതിരാപ്പുള്ളിന്റെ

യാചനാദീപ്തസ്മരണകളും

അലിയുന്നിതെന്‍ മണിചെപ്പില്‍

എവിടെ നിന്‍ ആത്മമുരളിയിലൊഴുകിയ

പാലരുവിതന്‍ ഗാനം?

എവിടെ നിന്‍ പുഞ്ചിരി തൊട്ടുണര്‍ത്തീടുന്ന

കവിഭാവനാഗേഹം?

വെട്ടിനിരത്തുന്നു അമ്മതന്‍ ഹൃത്തം

തട്ടിയുടയ്ക്കുന്നു അമ്മ തന്‍ നെഞ്ചും

ഭൂമി അമ്മതന്‍ മാനസപുത്രര്‍!

കേഴുന്ന പേടമാന്‍ കുഞ്ഞല്ലയിന്നിവള്‍

കരയുന്ന പുതുപൈതലല്ല

വിരഹിണിയായ യുവതിയല്ല

മക്കള്‍തന്‍ ദ്രോഹം കടിച്ചിറക്കുന്ന ഒരമ്മ മാത്രം!

അമ്മതന്‍ മാറ്റം കൊതിക്കുന്ന പുതുജന്മങ്ങളുടെ

മാറ്റം കൊതിക്കാത്ത മാതാവ്

കണ്ണീര്‍ തിരതല്ലും കടലലപോല്‍

നിലയ്ക്കാത്ത ആനന്ദലഹരിപോല്‍

ഉന്മാദമാക്കുന്ന സൗന്ദര്യവും

എവിടെപ്പോയ് മറയുന്നു?

പണ്ടെങ്ങോ കേട്ടുമറന്ന നുണക്കഥപോല്‍

പണ്ടെങ്ങോ രുചിച്ചൊരു മാമ്പഴം പോല്‍

ഭൂമിതന്‍ സൗന്ദര്യം നുകരുന്ന കവിഹൃദയം പോല്‍

ഓര്‍മ്മകളൂയലാടുന്ന ഒട്ടുമാവും

പൊയ് പോയ് മറയുന്നുവോ?

കേള്‍ക്കൂ ഒരമ്മതന്‍ ദീനരോദനം

അറിയൂ ഈ അമ്മതന്‍ യാചനാശബ്ദം.......

ഭൂമിതന്‍ കണ്ണീര്‍ നിലയ്ക്കുന്നില്ല.......

ജാഗരൂകത- ഹിന്ദി നാടകം

എസ്.എസ്.എല്‍.സി ക്കാര്‍ക്ക് വെബ് പോര്‍ട്ടലും യുട്യൂബ് ചാനലും

എസ്.എസ്.എല്‍.സി.ക്കാര്‍ക്കായി പ്രത്യേക വെബ്‌പോര്‍ട്ടലും പ്രമുഖ അധ്യാപകരുടെ ക്ലാസുകള്‍ ഉള്‍ക്കൊള്ളുന്ന യുട്യൂബ് ചാനലും ഐടി@സ്‌കൂള്‍ പ്രവര്‍ത്തനസജ്ജമാക്കി. ശാസ്ത്ര-സാമൂഹ്യശാസ്ത്ര-ഗണിതശാസ്ത്ര വിഷയങ്ങളാണ് www.resource.itschool.gov.in എന്ന വെബ്‌പോര്‍ട്ടലില്‍ ഉള്‍ക്കൊള്ളിച്ചിട്ടുള്ളത്.
ഐടി@സ്‌കൂള്‍ വിക്ടേഴ്‌സ് വിദ്യാഭ്യാസ ചാനലില്‍ സംപ്രേഷണം ചെയ്തുവരുന്ന എസ്.എസ്.എല്‍.സി ഒരുക്കം- 2012 പരിപാടിയുടെ ഉള്ളടക്കം മുഴുവന്‍ ഉള്‍പ്പെടുത്തി www.youtube.com/itsvicters എന്ന യുട്യൂബ് ചാനലും പ്രവര്‍ത്തനം തുടങ്ങി. ദിവസവും രാവിലെ 6.30 നും 11.30 നും ഉച്ചയ്ക്ക് 1.30 നും വൈകുന്നേരം 5.30നും രാത്രി എട്ട് മണിക്കും വിക്ടേഴ്‌സ് ചാനലില്‍ സംപ്രേഷണം ചെയ്യുന്ന എസ്.എസ്.എല്‍.സി ഒരുക്കം-2012 ഇന്‍റര്‍നെറ്റില്‍ ലൈവായി www.victers.itschool.gov.in വഴിയും കാണാം. യുട്യൂബ് ചാനലില്‍ ഏത് സമയത്തും വിഷയാധിഷ്ഠിത തിരച്ചില്‍ നടത്താനും സൗകര്യമേര്‍പ്പെടുത്തിയിട്ടുണ്ട്.

പ്രണാമം..

പമ്പാവാലി എന്ന ഹരിതാഭമായ, നന്മ മണക്കുന്ന ഗ്രാമത്തിന്റെ വളര്‍ച്ചയുടെ ആരംഭം എവിടെയെന്ന് തിരക്കിച്ചെല്ലുമ്പോള്‍ സാന്‍തോം എന്ന അക്ഷരവീടുമായി അതിന് അഭേദ്യമായ ബന്ധം ഉണ്ടെന്നുകാണാം. സാന്‍തോം പകര്‍ന്നുനല്‍കിയ അക്ഷരവെളിച്ചം ഈ നാടിന് അതിന്റെ സാംസ്ക്കാരികവും, സാമൂഹികവും, വിദ്യാഭ്യാസപരവും അതിലൂടെ സാമ്പത്തികവുമായ ഉന്നതിയിലെത്തുന്നതിന് നല്‍കിയ പങ്ക് നിര്‍ണ്ണായകമാണ്. ഈ അക്ഷരവൃക്ഷം ഇവിടെ പടുത്തുയര്‍ത്തിയ ബഹുമാനപ്പെട്ട ഫാ.മാത്യു വയലുങ്കലിന് അദ്ദേഹത്തിന്റെ ഇരുപത്തിയഞ്ചാം ചരമവാര്‍ഷികദിനത്തില്‍ നാടിന്റെ പ്രണാമം

സ്കൂള്‍ വാര്‍ഷികം

PYKA പദ്ധതി പ്രകാരം നിര്‍മ്മിച്ച സ്കൂള്‍ ഗ്രൗണ്ട് ഉദ്ഘാടനവും, 2011-12 അധ്യയനവര്‍ഷത്തെ സ്കൂള്‍ വാര്‍ഷികവും, അധ്യാപക-രക്ഷാകര്‍തൃയോഗവും 2012 ഫെബ്രുവരി 2-ന് സ്കൂള്‍ ഹാളില്‍ നടന്നു.കേരളനിയമസഭ ചീഫ് വിപ്പ് ശ്രീ.പി.സി.ജോര്‍ജ് എം.എല്‍.എ. യോഗം ഉദ്ഘാടനം ചെയ്തു.പട്ടികജാതി-പട്ടികവര്‍ഗവിദ്യാര്‍ത്ഥികള്‍ക്കുളള സൈക്കിള്‍ വിതരണഉദ്ഘാടനവും അദ്ദേഹം നിര്‍വഹിച്ചു.

സ്കൂള്‍ വാര്‍ഷികവും സ്കൂള്‍ ഗ്രൗണ്ട് ഉദ്ഘാടനവും

 PYKA പദ്ധതി പ്രകാരം നിര്‍മ്മിച്ച സ്കൂള്‍ ഗ്രൗണ്ട് ഉദ്ഘാടനവും, 2011-12 അധ്യയനവര്‍ഷത്തെ സ്കൂള്‍ വാര്‍ഷികവും, അധ്യാപക-രക്ഷാകര്‍തൃയോഗവും 2012 ഫെബ്രുവരി 2-ന് സ്കൂള്‍ ഹാളില്‍ നടക്കുന്നു.കേരളനിയമസഭ ചീഫ് വിപ്പ് ശ്രീ.പി.സി.ജോര്‍ജ് എം.എല്‍.എ. യോഗം ഉദ്ഘാടനം ചെയ്യുന്നതാണ്. രാവിലെ കുട്ടികളുടെ വിവിധകലാപരിപാടികളും സമ്മാനദാനവും നടക്കുന്നതാണ്.

ഏവര്‍ക്കും സ്വാഗതം